ÇAĞIRIŞ
Ѕесплатно модули и шаблоны DLE скачать шаблоны дл¤ веб сайтов
ÇAĞIRIŞ!!!
Azərbaycan Qarabağ Qazilərinə, Vətən Mühahibəsi Veteranlarına Xitabən.
Dəyərli Vətən Övladları, Vətənimizin, Yurdumuzun Qəhrəman Keşikçiləri!
Yəqin ki, ölkəmizdə yaranmış hazırki gərgin ictimai-siyasi vəziyyətdən, vətəndaşlarımızın
düşdüyü ağır sosial durumdan, insan hüquqlarının tapdalanmasından, məmur özbaşnalığından,
polis vəhşiliyindən, sifarişli məhkəmələrdən, rüşvətdən, korrupsiyadan, yaltaqlıq və
mənəviyyatsızlıqdan yaxşı xəbərdarsınız. Hər biriniz öz haqqınız uğrunda ayrı-ayrılıqda,
pərakəndə mübarizə aparmaqdan artıq çoxdan cana doymuşunuz, naəlac qalaraq bu cinayətkar
rejim ilə çarpışmağın daşını atmısınız... Və, bu acınacaqlı vəziyyətdən çıxış yolunu fərdi şəkildə
tapmaqda, sözsüz ki, çətinlik çəkirsiniz...
Unutmayın ki, bu Ölkə bu mafiyanın yox, Sizindir və yalnız Sizlər bu Ölkənin özəl sahiblərisiniz!
Bu Ölkə Sizin və Sizin övladlarınızın Vətənidir!
Ata-babalarımızın qan tökdüyü, qurduğu, bizlərə saxladığı bu Vətəni-Torpağı Sizlər can
qoyaraq, xarici düşmənlərdən qoruduğunuz kimi, daxili düşmənlərdən də qorumağa,
yaşatmağa, dövlət quruculuğunda və idarəetməsində bir vətəndaş kimi fəal iştirak etməyə
borclusunuz və buna tam özəl haqqınız var! Bu yolda, bu istəyinizdə Sizə mane olmağa çalışan
hər bir siyasi, ictimai qüvvəni də dəf etmək Sizin əzəl və özəl borcunuzdur!
Unutmayın ki, yaşadığınız, canınızdan artıq sevdiyiniz bu ölkədə “Qarabağ münaqişəsi” adlı 30
illik bir problem var və bu problemin tam həllinə xarici düşmən qüvvələrilə yanaşı, daxili
Heç birimizə sirr deyil ki, ölkəmizdə 04 iyun 1993-cü il silahlı-qanlı dövlət çevrilişindən sonra
xain, anti-milli qüvvələr hakimiyyəti zorla ələ keçirmiş, 07 iyun 1992- ci il demokratik seçkilərdə
Azərbaycan Xalqının qalib gəldiyi, yenicə qurulmuş xalq hakimiyyətini qısa müddətdə terror
gücünə hərbi çevrilişlə hakimiyyətdən tamam kənarlaşdırmışlar...
Nəticədə, Azərbaycan xalqının 11 aylıq hakimiyyəti dövründə yeritdiyi milli-demokratik
siyasət də, Qarabağ cəbhəsində son 1 ildə əldə olunmuş hərbi-siyasi nailiyyətlərimiz də heçə
endirilmiş, əlavə olaraq, daha 7 rayonumuz da ermənilərə “pay verilərək” (işğala məruz
qoyularaq), 1 milyona yaxın vətəndaçımız yurd-yuvalarından didərgin salınmışdır...
Bu münaqişənin davamında və uzanmasında həm qonşu düşmən dövlətlərin, həm indiki
Əliyevlər hakimiyyətinin maraqları tam üst-üstə düşdüyünü də, yəqin ki, yaxşı başa
düşürsünüz… Və, məhz bunu başa düşdüyünüz üçün silaha sarılaraq, 44 günlük müharibədə bu
torpaqların bir hissəsini məhz sizlər geri qaytardınız. Amma ki, hələ də qaçqınlarımızın öz
yurdlarına geri qaytarılması bu mafiya hakimiyyəti tərəfindən bilərəkdən gecikdirilir.
Əliyevlər ailəsinin və PKK terrorçu dəstəsinin yaratdığı bu mafioz hakim komanda 30 ildən bəri
bütün dövlət strukturlarımızı çoxsaylı, xain, qeyri-milli ünsürlərlə doldurmuş, xalqı
idarəetmədən, söz-mitinq azadlığından, seçkilərdən tam uzaqlaşdırmış, ölkədə quldur
monarxiya-diktatura sistemi yaradılmışdır. Əhali uşaqpulundan məhrum edilmiş, əlillərin sosial
yardımı kəsilmiş, qazilərimiz normal sosial təminat sorağında, ədalət-ləyaqət sorağında dövlət
idarələrində oturan ləyaqətsiz məmurlar qarşısında köməksiz, sahibsiz qalmışdır.
Ən dəhşətlisi də budur ki, məmur özbaşnalığından cana doymuş, bədənlərinin müxtəlif
hissələrini itirmiş, hələ də bədənlərində qəlpələr daşıyan SİZLƏR, və ya, psixoloji travma ilə
yaşayan sizin bir çox dostlarınız, cəbhə yoldaşlarınız öz dövlətindən layiqli qayğını görmək
əvəzinə, dövlət idarələrində süründürməçiliyə salınaraq alçaldılır, söyülür, qovulur və
dilənçiliyinə məcbur edilir, daha da ağır duruma salınırsınız!...
Daha dəhşətlisi də budur ki, öz dövlətinin ondan üz döndərdiyini, cəmiyyətin bu ədalətsizliyə
biganəliyini görən bu dəyərli insanlar, sizin döyüş yoldaşlarınız olan vətənpərvər oğullarımız
əlacsızlıqdan intihar etmək qərarına gəlirlər! Çox-çox təəssüflər olsun ki, düşmən gülləsi
qarşısından qaçmayan igid oğullarımız indi bu hakimiyyətin qudurğan məmurları qarşısında aciz
qalırlar, təşkilatlanmaq, iradə göstərmək, öz haqqına nail olmaq, övladlarının gələcəyi naminə,
haqqın-ədalətin bərpası naminə, namərd məmura öz yerini göstərmək naminə mübarizə
aparmağın yolunu, üsulunu tapmaqda aciz qalırlar...
Əziz Qazilər, Dostlar, Qardaşlar! Acizliyə, İntihara Son Qoyun!
Qanunun-Ədalətin, Namusun, Ləyaqətin Zəfəri Naminə, Birləşin! Mübarizəyə qoşulun!
Ön Cəbhədə Vətən Naminə Vətənpərvərlik və İgidlik Nümunəsi göstərdiyiniz kimi, arxa
cəbhədə də Yüksək Vətəndaşlıq Nümunəsi Göstərin!
Birləşin! Təkilatlanın! Bilin ki, Vətənimizin xilası həm də Milli Dövlətçiliyimizin xilasından keçir!
Bilin ki, Milli Dövlətimizi xain əllərdən, cinayətkar, anti-milli ünsürlərdən təmizləməsək, heç
vaxt, heç nəyə nail ola bilməyəcəyik!
Birlik olan Yerdə, Qələbə də Var, Milli Dövlət də Var, Dövlətə Nəzarət də Var!
Haydı, Təşkilatlan! Xalqınla Birlikdə Təşkilatlan!
Təşkilatlanaq, Vətənimizi Dövlətimizi Bu Quldurlardan Birlikdə Təmizləyək!
Azərbaycan Milli Müqavimət Hərəkatının (AMMH) Təşəbbüs Qrupu
25.04.2023-cü il
